உள்ளத்து ஓசை

சுனாமி அரங்க சந்திப்பு நேரப் பட்டியல்

arul@shockwave-india.com (Ragunathan Arul Kumaran) — Wed, 12 Jan 2005 03:06:07 +0000

(இந்திய நேரப்படி)

திங்கள்	காலை	6:00	மதியம்	3:30
செவ்வாய்	காலை	8:00	மாலை	5:30
புதன்	காலை	10:00	மாலை	7:30
வியாழன்	காலை	12:00	இரவு	9:30
வெள்ளி	மதியம்	2:00	இரவு	11:30
சனி	மாலை	4:00	அதிகாலை	1:30
ஞாயிறு	மாலை	6:00	அதிகாலை	3:30

நேரப் பட்டியல் பலரையும் ஒரே நேரத்தில் திரட்டுவதற்காக மட்டுமே குறிப்பிடப்படுகிறது. மற்றபடி அரங்கம் எல்லா நேரங்களிலும் திறந்தே இருக்கும். எனக்கு தோன்றியபடி நேரத்தை குறித்திருக்கிறேன், மாற்றம் வேண்டுவோர் எனக்கு மடலிடவும். அல்லது பின்னூட்டம் கொடுக்கவும்

பிரசவத்தில் கணவனின் பங்கு

arul@shockwave-india.com (Ragunathan Arul Kumaran) — Fri, 30 Jul 2004 13:41:35 +0000

மனைவியின் பிரசவத்தில் கணவன் உடனிருப்பது அவர்களின் உறவுப்பிணைப்புக்கு மேலும் வலுச்சேர்க்கும் என்று நான் நினைக்கிறேன்.

ஒரு உண்மைக்கதை:

சிங்கையிலே வெளிநாட்டவர்களுக்கு பிரசவ செலவு மிக அதிகம்.
(அதிகமில்லை ஜெண்டில்மன் உன் சொத்துமொத்தமும் எழுதிவைத்துவிடு அது போதும்!)
இதனால் ஏழாம் மாதமே மனைவியை தாயகத்துக்கு அனுப்பவேண்டிய கட்டாயம் அவனுக்கு ஏற்பட்டது, ஏனென்றால் விமானத்தில் அதன்பின் அனுமதிக்கமாட்டார்கள்.

ஓர் ஒற்றை அறை குடியிருப்பில்...

"என்னங்க, உங்களை விட்டுபோக மனசே இல்லீங்க. கட்டாயம் பிரசவநேரத்தில நீங்க கூட இருக்கணும், இங்க வேலை அதனால வரமுடியலைன்னு சாக்குபோக்கு சொல்லக்கூடாது!"

"எனக்கு பழசெல்லாம் ஞாபகம் வருது, ஹும்! மறுபடி அமைதி, தனிமை, விரக்தி. ஆனா குழந்தைபிறந்த பிறகு உன் முகத்தில் வரப்போகிற மகிழ்ச்சியை பாக்கிறதுக்காக இதெயெல்லாம் பொறுத்துக்கத்தான் வேணும். எல்லாத்துக்கும் கம்யூட்டர்ன்னா சமயத்தில எனக்கே வெறுப்பாத்தான் இருக்கு, இனி உன்னையும் கொஞ்சகாலம் அதுவழியாத்தான் பாக்கணும். கவலைப்படாதே பிரசவ சமயம் கட்டாயம் நான் கூட இருப்பேன். டாக்டரை பாத்து எப்ப பிரசவமாகும்னு கேட்டு சொல்லு அதுக்கு 15 நாள் முன்னாடியே வரேன். சேச்சே! அழக்கூடாது"

"கொஞ்சம் பயமா இருக்குங்க, நீங்க கூட இருந்தா தைரியமா இருக்கும்"

"பயப்படாதே, எல்லாம் நல்லபடி நடக்கும். உன்னை பாத்துக்க என் ஒருத்தனைத்தவிர எல்லாருமே உன் கூடவே இருப்பாங்க, நானும் சரியான நேரத்தில வந்துடுவேன், அப்புறம் என்ன கவலை?"

ஓர் அதிகாலை, சாங்கி விமான நிலையத்தின் புறப்பாடு பகுதியில்...

"அது உங்க அம்மாங்களா? நீங்களும் இண்டியன் ஏர்லைன்ஸ் தானே"

"ஆமாங்க இங்க மூணுமாசம் வந்திருந்தாங்க, எங்க குழந்தைய கூட்டிகிட்டு அவங்க ஊர் திரும்புறாங்க"

"அப்டீங்களா, இது என்னோட மனைவி, பிரசவத்துக்காக ஊருக்கு அனுப்புறேன். அவங்க ஒருத்தருக்கு ஒருத்தர் தொணையா இருக்கட்டும்"

"ஓ! அதுக்கென்ன, அம்மாவுக்கு எழுத படிக்க தெரியாது, கைக்கொழந்தையும் வைச்சிருக்கறதால ஏர்போர்ட் ஆளுங்களே உள்ள கொண்டு பிளைட் ஏத்தீடுவாங்க, அவங்க கூடவே இவங்களையும் அனுப்பீடுங்க"

சிறிது நேரத்தில் சிப்பந்தி வந்து அழைக்க, மனமே இல்லாமல் அவனும் அவளும் பிரிகிறார்கள்,

"உள்ள வைட்டிங் ரூமுக்கு போனதுமே எனக்கு போன் பண்ணு. விமானம் கிளம்பறவரை இங்கதான் இருப்பேன், கவலைப்படாதே எல்லாம் நல்லபடி நடக்கும்"

பிறகு பிரசவதேதி நெருங்கிய ஒரு நாள் மாலை சென்னையில் ...

"டாக்டர், பிரசவத்தின்போது நானும் கூட இருந்தா என் மனைவிக்கு ரொம்ப தெம்பா இருக்கும். அதுக்கு உங்க பர்மீஷன் வேணும்"

"பர்மீஷன் தர்றதைப்பத்தி எனக்கு ஒண்ணுமில்லை, நார்மல் பிரசவம்னா நீங்களும் இருக்கலாம், ஆனா சிசேரியன்னா அனுமதிக்க முடியாது. இப்ப இருக்கிற நிலையிலே அனேகமா இது சிசேரியனாதான் இருக்கும். இயற்கையான பிரசவம்தான் வேணும்னா அதை சிடிமுலேட் பண்ண இஞ்செக்ஷன் குடுக்கலாம்"

"அதெல்லாம் வேணாம் டாக்டர், அதுல வலி அதிகமிருக்கும்னு கேள்விப்பட்டேன். சிசேரியன்னா அனெஸ்தீசியா எப்படி டாக்டர்"

"லோக்கல் அனெஸ்தீசியா தான் முதல்ல கொடுப்போம். பேஷண்டுக்கு வலி தெரியாது. குழந்தை பிறந்ததும் அவங்களாலயும் பாக்க முடியும். ரொம்ப பயந்தாதான் மயக்கம் கொடுப்போம். உங்களுக்கு ஒரு உதவி வேணும்னா பண்ணலாம், கேமிரா குடுத்தா ஆப்பரேஷன் பண்ணும்போது படம் எடுத்து தரச்சொல்றேன்"

பிறகு சிசேரியன் என்று முடிவான பின் ஒரு சுபயோக சுபதினம் குறிக்கப்பட்டது அதற்கு
முதல் நாள் இரவு ஆஸ்பத்திரி அறையில் ...

"ஒண்ணும் பயப்படாதே! சிசேரியன்னா இன்னும் சுலபம், உனக்கு சிரமம் அதிகம் இருக்காது. உன்னுடைய வலியை நீ உணர்ற நேரத்துல அதை ஈடுகட்ட நம்ம பையன் பக்கத்துல இருப்பான்"

"நீங்கதான் பிரசவ சமயத்தில பக்கத்துல இருக்கமாட்டீங்க"

"நானென்ன செய்றது ஆப்ரேஷன்கிறதால டாக்டர் உள்ள விடமாட்டாங்க, நான் அந்த ரூமுக்கு வெளியவேதான் இருப்பேன். உனக்கும் மயக்க மருந்து குடுத்திருவாங்க. யப்பா! இங்க கொசுக்கடிதாங்க முடியலை"

மறுநாள் காலை ...

மனைவியை அவர்கள் தள்ளிக்கொண்டு (அட! ஸ்டெச்சரில்தான்) தியேட்டருக்குள் போவதை பார்த்தபடி நிற்கிறான் அவன். பிறகு குறுக்கும் நெடுக்குமாக நடக்கும்போது அது சற்று சினிமாத்தனமாக இருப்பதாக தனக்குள் நினைத்துக்கொள்கிறான். ஏனோ அவனிடம் பதட்டமே இல்லை. தாயும் சேயும் நலமாக இருக்க இறைவனிடம் நேரடியாக பேசுவது போல மனதுக்குள் வேண்டிக்கொள்கிறான். ஒரு உயிர் போய்த்தான் ஆகவேண்டுமெனில் அது மகனாகவே இருக்கட்டும் மனைவி மிஞ்சட்டும் என்று இறைஞ்சுகிறான்.

நர்சுகள் மாறிமாறி உள்ளே போவதும் வருவதுமாக இருந்தார்கள். வெளியே அனைவரும் குழந்தையின் அழுகுரல் கேட்க ஆவலாய் காதுகளை தீட்டிவைத்து காத்திருந்தனர்.

வெளியே ஓட்டமும் நடையுமாய் வந்த நர்ஸ் "ஆப்ரேஷன் முடிஞ்சது. பின்பக்கம் முழுதாய் திறக்கிறமாதிரி நைட்டி ஒண்ணு குடுங்க", என்றார்.

"அப்படி ஏதும் இல்லீங்களே, முன்னமே சொல்லியிருந்தீங்கன்னா வாங்கி வைச்சிருப்போம். இப்ப என்ன பண்ணுறது? இருக்குற நைட்டியில பின்னாடி கிழிச்சிடலாமா?"

"சரி அப்டியே செய்ங்க"

பின்னர் உள்ளே போய் மீண்டும் திரும்ப வருகிறார். "இது ஈரமா இருக்கு புதுசா வாங்க சொன்னாங்க டாக்டர்"

இந்த நேரத்தில் வெளியே போகப்பிடிக்கவில்லை அவனுக்கு ஆனாலும் வேறு வழியில்லை. அப்பாவை அழைத்துக்கொண்டு கடைதேடி ஓடுகிறான் அவன்.

கண்ணில் பட்ட கடையில் கேட்ட விலையைக்கொடுத்து வாங்கிக்கொண்டு வரும் முன் குழந்தையை அறைக்கு கொண்டு வந்திருந்தார்கள். அவனுடைய மாமா பெரியவர் என்னும் முறையில் குழந்தையை கையில் வாங்கியிருந்தார். அனைவரும் மகிழ்சியாக இருந்தனர். அவனுடைய அப்பா தயாராக வைத்திருந்த இனிப்பை எல்லோருக்கும் வழங்கினார். அவன் ஒருமுறை பார்த்தான் குழந்தை செக்கச்செவேலென்று இருந்தான். சூடு வேண்டுமென்று விளக்கு வைத்திருந்தார்கள்.

அவன் கண்கள் அவளைத்தேடின. அவளை தள்ளிக்கொண்டு வந்தார்கள், ஸ்ரெச்சர் கூடவே அவளின் தாயும் நடந்தார். அவள் கண்ணில் இருந்து கண்ணீர் கோடாக இருபக்கமும் இறங்கியிருந்தது. வாய், வலிக்குதும்மா என்று முணுமுணுத்தபடி இருந்தது, உதடுகள் வறண்டிருந்தன. அவனுக்கு வேதனையாக இருந்தது,மனதுக்குள் இவள் என் குழந்தை என்றும் இவளை நான் தான் வளர்கிறேன் என்றும் எண்ணுகிறேனே, இவள் எவ்வளவு வலி எனக்காக தாங்கிக்கொண்டிருக்கிறாள் என்று வியந்தான். அவள் கையை ஆறுதலாக பற்றிகொண்டான். அவர்களின் கண்கள் சந்தித்தபோது உதடுகள் சொல்லாத எத்தனையோ சேதிகள் பரிமாறப்பட்டன. வலி குறைய தான் ஏதும் செய்யமுடியுமா என்று யோசித்து டாக்டரிடம் விரைந்தான்.

டாக்டர் கேமிராவை கையில் திணித்தார். "குழந்தையை படம் எடுக்கல, ஆப்பரேஷன் பண்றத மட்டும் சில ஸ்னேப்ஸ் எடுத்திருக்கேன். கவலைப்படாதீங்க, வலி குறைய தேவைப்பட்டா (மட்டும்) மருந்து தருவோம்", என்றார்

அவன் யாரும் இல்லாத மூலைக்கு ஓடினான் அந்த படங்களைப்பார்க்க. அதைப்பார்ப்பது அவ்வளவு சுலபமானதாக இல்லை.

முதல் படத்தில் அவள் மருத்துவர்களிடம் ஸ்னேகமாக சிரித்துக்கொண்டிருந்தாள். பச்சை நிறத்துணியால் அவளை மூடியிருந்தார்கள் வயிற்றில் வெட்டப்படவேண்டிய இடம் மட்டும் திறந்திருந்தது. முதுகுத்தண்டில் மரத்துப்போக ஊசி போட்டிருப்பார்கள்

அவளால் தன் வயிறு கிழிக்கப்படுவதை பார்க்க முடிந்திருக்கிறது, பார்த்து பயந்துவிட்டாள். பிறகு அவளுக்கு மயக்கமருந்து கொடுத்துவிட்டார்கள் (இதெல்லாம் டாக்டர் சொல்லி அவன் தெரிந்துகொண்டான்)

இரண்டாம் படத்திலேயே வயிறு வெட்டுப்பட்டிருந்தது. உட்புறம் குழிவாகத்திறந்திருந்தது. பச்சைத்துணியின்மேல் சில இடங்களில் ரத்தம் தேங்கியிருந்தது. சதைத்துணுக்குகள் ஆங்காங்கே ஒட்டிக்கொண்டிருந்தன.

அதற்குமேல் அவனால் அப்போது பார்க்க முடியவில்லை. அவள் மேல் கோபம் கொள்ளும் நாளில் அதைக்கட்டாயம் பார்க்கவேண்டும் என்று பத்திரப்படுத்தினான். இப்போதும் அந்த படங்களை அவன் சில சமயங்களில் பார்க்கிறான், அந்த நேரங்களில் உள்ளுக்குள் பீறிடுகிறதே அதுதான் அன்பா என்று சிந்தித்தபடி...

செல்பேசியில் தமிழ் நூல்கள் - ஒரு முன்னோட்டம் - பாகம் 1

arul@shockwave-india.com (Ragunathan Arul Kumaran) — Mon, 15 May 2006 07:58:00 +0000

(Tamil Mobooks - A preview)
சென்ற தமிழ் வருடப்பிறப்பன்று வெளியிடப்பட்ட முதல் மின்நூல் Flash Lite தொழில் நுட்பத்தில் வடிவமைக்கப் பட்டிருந்தது. கணினிகளைப் போலல்லாது செல்பேசிகளில் Flash தொழில்நுட்பம் இன்னும் பரவலாக்கப்படாத நிலையில் இந்த புத்தகம் பலருக்கும் எட்டாக் கனியானது.

எனவே ஏற்கனவே பரவலாக பயன்பாட்டில் உள்ள மெபைல் ஜாவா தொழில் நுட்பத்தை பயன்படுத்தி தமிழ் புத்தகங்களை வடிவமைக்கும் பணியை மேற்கொண்டு வருகிறேன். அந்த தொழில் நுட்பத்தின் முன்னோட்டத்தை கீழ்க்கண்ட படத்தில் காணவும்.

கைப்பேசிக்கான முதல் தமிழ் மின்நூல் வெளியீட்டு விழா!

arul@shockwave-india.com (Ragunathan Arul Kumaran) — Thu, 14 Apr 2005 15:55:00 +0000

வலைப்பதிவாளர்களும் வாசகர்களுமாகிய உங்களை வருக வருக என வரவேற்கிறேன். தங்கள் முன்னிலையில், ஒலிப்பெருக்கி முழக்கமோ மேடையோ அலங்காரமோ இன்றி மெல்ல ஒரு வெளியீட்டு விழா.

என்ன வெளியிடப்போகிறோம்?

தற்போது வெளிவரும் புதிய கைப்பேசிகள் கைக்கணினியின் பெரும்பாலான அம்சங்களை தன்னகத்தே கொண்டிருக்கின்றன. அவைகளின் வசதிகளைக் கொண்டு தமிழில் குறுந்தகவல் அனுப்பும் செயலி சமீபத்தில் சிங்கையில் வெளியீடு கண்டதை அறிந்திருப்பீர்கள்.

குறுந்தகவல்களையும் சிறுகவிதைகளையும் தாண்டி கதைகளையும் நாவல்களையும் கைப்பேசியிலேயே எடுத்துச்செல்லும் வண்ணம் வடிவமைத்தால் நமது பேருந்து மற்றும் இரயில் பயண நேரத்தை மேலும் பயனுள்ள வகையில் செலவழிக்கமுடியும் அல்லவா?

அதற்கான முதல் படியில் காலை எடுத்து வைத்திருக்கிறோம். எழுத்தின் காப்புரிமை பிரச்சனைகளை தவிர்க்கும் விதமாக (மற்றும் என் சுயநலம் காரணமாக) நான் எழுதிய மரத்தடி போட்டியில் இரண்டாம் பரிசு பெற்ற பாதுகாவல் என்னும் சிறுகதையின் இரண்டாம் பதிப்பை கைப்பேசிக்கான இலவச மின்நூலாக தற்போது வெளியிடுகிறோம்.

என்னுடைய கைப்பேசியில் இந்த நூலை தரவிறக்கி படிக்க முடியுமா?

மேக்ரோ மீடியாவின் ஃபிளாஷ் லைட்டை ஏற்கக்கூடிய கீழ்க்காணும் கைப்பேசி மாதிரிகளில் ஏதேனும் ஒன்று உங்களிடம் இருந்தால் இயலும்

Nokia 3600, 3620, 3650, 3660, 6600, 6620, 6630, 6670, 7610, N-Gage, N-Gage QD
Siemens SX1
Sendo X
Sony Ericsson P800, P900, P910

முழுமையான பட்டியலுக்கு http://www.macromedia.com/mobile/supported_devices/
ஃபிளாஷ் லைட் பிளேயர் ஏற்கனவே நிறுவப்பட்டிருக்க வேண்டும் இல்லை எனில் அதை மேற்கண்ட மேக்ரோமீடியா தளத்திலிருந்து பெற்றுக்கொள்ளலாம் (தற்போதைக்கு இதற்கு USD 10 கட்டணம் வசூலிக்கப்படுகிறது, ஆனால் விரைவில் இது கைப்பேசியில் பொதிக்கப்பட்டே கிடைக்கும்)

மின்நூலை நிறுவுவது எப்படி?

53 Kb அளவுள்ள இந்த கோப்பை (Right Click -> Save Target) உங்கள் கணினியில் இறக்கி பின் உங்கள் கைப்பேசிக்கு மாற்றியோ அல்லது நேரடியாக கைப்பேசியில் இறக்கியோ ஃபிளாஷ் லைட் பிளேயர் கொண்டு இயக்கிக்கொள்ளவும். பக்கங்களை திருப்ப அம்புக்குறிகளை பயன்படுத்திக்கொள்ளவும்

மேற்கூறப்பட்ட எந்த வசதியும் இல்லாதவர்கள் இந்நூலைக் காண ஏதும் வழியுண்டா?

உண்டு! இதற்கெனவே கணினியில் இயங்கக்கூடிய பிரத்யேக மொபைல் சிமுலேட்டரை இந்தத் தளத்தில் (கீழே) நிறுவியுள்ளேன். அதன் பொத்தான்களை இயக்கி காணவும்

இனி...

இது குறித்த உங்கள் சந்தேகங்களையும் கேள்விகளையும் பின்னூட்டமாக இட்டால் நான் பதிலளிக்கிறேன்

இப்படிப்பட்ட தமிழ் தொழில்நுட்ப ஆராய்ச்சிகளில் ஈடுபடும் என் போன்றவர்களுக்கு தேவைப்படுவதெல்லாம் உங்களால் கொடுக்க முடிந்த ஊக்கமும், உற்சாகமும், இவை எல்லாம் பயன்பட்டன என்னும் திருப்தியும்தான்

கிடைக்கும்தானே?

அடுத்து என்ன செய்யலாம் என்று தீவிரமாக யோசித்தபடி, தங்கள் வருகைக்கும் ஆதரவிற்கும் நன்றி கூறும்

அன்புடன்,
இர.அருள் குமரன்

உங்களோட செல்பேசியை இரண்டுல ஒண்ணு பாத்துடுவோமா?

arul@shockwave-india.com (Ragunathan Arul Kumaran) — Sat, 15 Apr 2006 03:20:00 +0000

செல்பேசிகளிலே(cellphone / handphone) பரவலா பயன்பாட்டுல இருக்கிறது மொபைல் ஜாவா. பல விளையாட்டுக்கள், உபயோகமுள்ள சின்னச் சின்ன செயலிகள், அவ்வளவு ஏன்? தற்போது உபயோகத்துல இருக்கிற இரண்டு தமிழ் குறுச்செய்தி செயலிகள் எல்லாம் இதுல தான் வடிவமைக்கப்பட்டு இருக்கு.

உங்க செல்பேசியிலே J2ME (Java 2 Mobile Edition) இருக்கா? MIDP ஒண்ணா இரண்டா?

புரியாதவங்களுக்காக இன்னும் கொஞ்சம் விளக்கம்

ஜாவாவை செல்பேசி மற்றும் கையடக்க கணினிக்காக மாத்தி எழுதும் போது அவங்களுக்கு இருந்த பெரிய பிரச்சனை கணினி மாதிரி ஒரு தரப்படுத்தல், வரைமுறை அதுகள்ல இல்லாதது தான். ஜாவாவோட வெற்றிக்கு காரணமான அதன் தாரக மந்திரமான ஒரு முறை எழுதிடு எல்லா தளங்களிலும் தடையின்றி இயக்கிடு இங்க தட்டுத்தடுமாறிடக்கூடாதேன்னு MIDP (Mobile Information Device Profile) மற்றும் CLDC (Connected Limited Device Configuration) அப்படின்னு இரண்டு வரையறை கொண்டுவந்தாங்க.

ஒரு செல்பேசியுடைய ஜாவா செயல்பாடுகள் எதுவரைக்கும் போகலாம் அப்படீங்கிறதை அந்த செல்பேசியுடைய MIDP எண்ணும CLDC எண்ணும் சேர்ந்து தீர்மானிக்கும். இப்படிப்பட்ட வரையறைதான் ஜாவாவுக்கு மொபைல் தொழில் நுட்பத்திலும் வெற்றியை கொடுத்தது

இதுல CLDC பத்தி அப்புறம் பார்ப்போம்

முதல்ல உங்க செல்பேசியில ஜாவா இருக்கா? MIDP ஒண்ணா இரண்டான்னு பார்த்துடுவோம்

கீழே இருக்கிற பட்டியலில் உங்க செல்பேசி இருந்தா உங்க செல்பேசியில ஜாவா இருக்கு. அப்படியே MIDP 1 இல்லை MIDP 2 எதுல உங்க செல்பேசி பட்டியலிடப்பட்டிருக்கு அப்படின்னும் பாத்து வைச்சுக்கோங்க

இதுக்கெல்லாம் என்ன அவசரம், என்ன அவசியம்னு கேக்கறீங்களா? சீக்கிரமே சொல்றேன் :)

MIDP 1

MIDP 2

Vendor	Device
BenQ	P30
BlackBerry	5810
Casio	C452CA
Generic	PlainMidp1
Generic	midp1
Hitachi	C3001H
Kyocera	C3002K
LG	C-nain 2000
LG	LX5350
Mitsubishi	J-D05
Motorola	A388
Motorola	A830
Motorola	A920
Motorola	A925
Motorola	C370
Motorola	C450
Motorola	C550
Motorola	E380
Motorola	T280i
Motorola	T720(CDMA)
Motorola	T720(GSM)
Motorola	T720i
Motorola	i50sx
Motorola	i55sr
Motorola	i80s
Motorola	i85s
Motorola	i88s
Motorola	i90c
Motorola	i95cl
Nokia	3100
Nokia	3108
Nokia	3120
Nokia	3200
Nokia	3300
Nokia	3410
Nokia	3510i
Nokia	3520
Nokia	3530
Nokia	3560
Nokia	3587
Nokia	3590
Nokia	3595
Nokia	3600
Nokia	3620
Nokia	3650
Nokia	3660
Nokia	5100
Nokia	6010
Nokia	6100
Nokia	6108
Nokia	6200
Nokia	6220
Nokia	6310i
Nokia	6560
Nokia	6610
Nokia	6610i
Nokia	6650
Nokia	6651
Nokia	6800
Nokia	6810
Nokia	6820
Nokia	7200
Nokia	7210
Nokia	7250
Nokia	7250i
Nokia	7600
Nokia	7650
Nokia	8910i
Nokia	N-Gage
Nokia	N-Gage_QD
Nokia	Series40
Nokia	Series40DP1
Nokia	Series60
Nokia	Series60E1
Panasonic	C3003P
Panasonic	X60
Research In Motion	BlackBerry 5810
Research In Motion	BlackBerry 5820
Samsung	C100
Samsung	C110
Samsung	D100
Samsung	D108
Samsung	E100A
Samsung	E108
Samsung	E400
Samsung	E418
Samsung	E700A
Samsung	E708
Samsung	E800C
Samsung	E808
Samsung	S100
Samsung	S105
Samsung	S200
Samsung	S208
Samsung	S300
Samsung	S300M
Samsung	S307
Samsung	SCH-X130
Samsung	SCH-X230
Samsung	SCH-X250
Samsung	SCH-X350
Samsung	SGH-E100
Samsung	SGH-E330
Samsung	SGH-E630
Samsung	SGH-E700
Samsung	SGH-E800
Samsung	SGH-E820
Samsung	SGH-S100
Samsung	SGH-X100
Samsung	SGH-X600
Samsung	SPH-N400
Samsung	SPH-X4209
Samsung	X100A
Samsung	X108
Samsung	X400
Samsung	X426
Samsung	X427
Samsung	X600A
Samsung	X608
Sanyo	A3011SA
Sanyo	SCP-4900
Sanyo	SCP-5300
Sendo	X
Sharp	GX10
Sharp	GX10i
Sharp	GX20
Sharp	GX30
Sharp	GX30i
Sharp	J-SH07
Sharp	J-SH08
Sharp	TM100
Siemens	2128
Siemens	3138
Siemens	A56i
Siemens	C55
Siemens	C56
Siemens	C60
Siemens	C61
Siemens	CF62
Siemens	CT56
Siemens	M46
Siemens	M50
Siemens	M55
Siemens	M56
Siemens	MC60
Siemens	MT50
Siemens	S55
Siemens	S56
Siemens	S57
Siemens	SL55
Siemens	SL56
Siemens	SX1
Siemens	midp1
Siemens	x55
Sony-Ericsson	JavaPlatform1
Sony-Ericsson	JavaPlatform1Symbian
Sony-Ericsson	P800
Sony-Ericsson	P802
Sony-Ericsson	T610
Sony-Ericsson	T616
Sony-Ericsson	T618
Sony-Ericsson	T628
Sony-Ericsson	T630
Sony-Ericsson	T637
Sony-Ericsson	Z600
Sony-Ericsson	Z608
Toshiba	A3013T
Toshiba	C5001T
Toshiba	J-T06
Vodafone	Sharp-GX10
Vodafone	Sharp-GX10i
Vodafone	Sharp-GX20

Vendor	Device
Alcatel	One Touch 735i
Alcatel	One Touch 756
BlackBerry	7100t
BlackBerry	7290
BlackBerry	7520
Generic	DefaultColorPhone
Generic	DefaultGrayPhone
Generic	MediaControlSkin
Generic	Midp2Cldc11
Generic	PlainMidp2
Generic	PlainMidp2Cldc11
Generic	QwertyDevice
Generic	jsr185
Generic	jtwi
Generic	midp2
Generic	multi
Generic	wmapi20
HTC	Himalaya
LG	U8138
Mio	8390
Motorola	A1000
Motorola	A630
Motorola	A760
Motorola	A780
Motorola	A845
Motorola	C380
Motorola	C650
Motorola	E1000
Motorola	E398
Motorola	E398Emulator
Motorola	E680
Motorola	FOMA_M1000
Motorola	MPx200
Motorola	SLVR
Motorola	T725
Motorola	V1050
Motorola	V180
Motorola	V220
Motorola	V3
Motorola	V300
Motorola	V303
Motorola	V360
Motorola	V400
Motorola	V500
Motorola	V525
Motorola	V550
Motorola	V551
Motorola	V600
Motorola	V620
Motorola	V635
Motorola	V8
Motorola	V80
Motorola	V980
Motorola	i730
NEC	E616
Nokia	3152
Nokia	3155
Nokia	3155i
Nokia	3220
Nokia	3230
Nokia	5140
Nokia	5140i
Nokia	6020
Nokia	6021
Nokia	6030
Nokia	6060
Nokia	6101
Nokia	6102
Nokia	6152
Nokia	6155
Nokia	6155i
Nokia	6170
Nokia	6230
Nokia	6230i
Nokia	6235
Nokia	6235i
Nokia	6255
Nokia	6260
Nokia	6265
Nokia	6265i
Nokia	6270
Nokia	6280
Nokia	6600
Nokia	6611
Nokia	6620
Nokia	6630
Nokia	6670
Nokia	6680
Nokia	6681
Nokia	6682DP2
Nokia	6822
Nokia	7260
Nokia	7270
Nokia	7610
Nokia	7700
Nokia	7710
Nokia	8800
Nokia	8801
Nokia	9300
Nokia	9500
Nokia	E70
Nokia	N70
Nokia	N90
Nokia	N91
Nokia	Series40DP2
Nokia	Series40DP3
Nokia	Series40Midp2
Nokia	Series60E2
Nokia	Series60E2FP1
Nokia	Series60E2FP2
Nokia	Series60E2FP3
Nokia	Series60Midp2
Nokia	Series80
Nokia	Series90
O2	XDAII
Palm	TungstenC
Qtek	XDAII
Sagem	MyV-65
Sagem	MyV-75
Sagem	MyX5-2
Sagem	MyX6
Sagem	MyX7
Sagem	MyX8
Samsung	D410
Samsung	D415
Samsung	D418
Samsung	E105
Samsung	E300
Samsung	E310
Samsung	E600
Samsung	E710
Samsung	E715
Samsung	E810
Samsung	P400
Samsung	P730
Samsung	P735
Samsung	SGH-A700
Samsung	SGH-D500
Samsung	SGH-D720
Samsung	SGH-D730
Samsung	SGH-E600
Samsung	X105
Samsung	X430
Samsung	X450
Samsung	X458
Samsung	Z100
Samsung	Z105
Sharp	902
Sharp	GX15
Sharp	SGH-902
Sharp	TM200
Siemens	C65
Siemens	CX65
Siemens	M65
Siemens	S65
Siemens	SK65
Siemens	ST60
Siemens	midp2
Siemens	x65
Siemens	x75
Sony-Ericsson	D750
Sony-Ericsson	F500
Sony-Ericsson	F500i
Sony-Ericsson	J300
Sony-Ericsson	JavaPlatform2
Sony-Ericsson	JavaPlatform2Symbian
Sony-Ericsson	JavaPlatform3
Sony-Ericsson	JavaPlatform4
Sony-Ericsson	JavaPlatform5
Sony-Ericsson	JavaPlatform6
Sony-Ericsson	K300
Sony-Ericsson	K500
Sony-Ericsson	K500c
Sony-Ericsson	K500i
Sony-Ericsson	K600
Sony-Ericsson	K608
Sony-Ericsson	K700
Sony-Ericsson	K700c
Sony-Ericsson	K700i
Sony-Ericsson	K750
Sony-Ericsson	P900
Sony-Ericsson	P908
Sony-Ericsson	P910
Sony-Ericsson	P910a
Sony-Ericsson	P910c
Sony-Ericsson	P910i
Sony-Ericsson	S700
Sony-Ericsson	S700c
Sony-Ericsson	S700i
Sony-Ericsson	V600
Sony-Ericsson	V800
Sony-Ericsson	V802
Sony-Ericsson	W550
Sony-Ericsson	W600
Sony-Ericsson	W800
Sony-Ericsson	Z1010
Sony-Ericsson	Z500
Sony-Ericsson	Z500a
Sony-Ericsson	Z500i
Sony-Ericsson	Z520
Sony-Ericsson	Z800
T-Mobile	MDAII
T-Mobile	MDAcompact
T-Mobile	SDA
Vodafone	Motorola-V525
Vodafone	Motorola-V600
Vodafone	Sony-Ericsson-F500i
Vodafone	Sony-Ericsson-V600

ஆறுமாதக் குழந்தையின் அழுகுரல்

arul@shockwave-india.com (Ragunathan Arul Kumaran) — Sun, 23 Apr 2006 19:43:00 +0000

ஒர் உண்மைச் சம்பவம் ஏற்படுத்திய பாதிப்பின் பிரதிபலிப்பு. அதிகாலையில் அந்த இந்தோனேசிய பெண்மணி கண்ணீரும் கலவரமுமாய் காவல் நிலையத்தில் நுழைந்தாள். அவளுடைய ஆறுமாத இந்தியக் குழந்தை அஞ்சலியைக் காணவில்லை. முந்திய தினம்தான் தன் கணவன் ஜலீலைப் பார்க்க மகளுடன் சிங்கை வந்திருந்தாள். வழக்கம் போலவே கணவனின் நண்பரான சூசைநாதனின் இல்லத்தில்தான் தங்கினாள். காலையில் எழுந்து பார்த்தால் குழந்தையை காணவில்லை. காவல்துறை விசாரணை தொடங்கிற்று.தாயின் கூற்றுப்படி முந்திய தினம் இரவு நடந்ததானது,

"குழந்தையை பக்கத்தில் படுக்க வைத்திருந்தேன், நள்ளிரவில் ஏதோ அரவம் கேட்டதால்
விழிகளை மெல்லத் திறந்தேன். முகத்துக்கு மிக அருகில் சூசைநாதன் குனிந்திருந்தார்.
எனக்கு என்ன செய்வதென்றே தோன்றவில்லை. உறக்கத்தை தொடர்பவள் போல கிடந்தேன். அவர்
அஞ்சலியை எடுத்துக் கொண்டு தன் படுக்கையறையில் நுழைந்துவிட்டார். மீண்டும் சற்று
நேரத்தில் திரும்பிவந்து குழந்தையை பக்கத்தில் கிடத்திவிடுவார் என்று காத்திருந்து
அப்படியே சோபாவில் உறங்கிவிட்டேன். காலை ஆறு மணியளவில் விழித்துப் பார்க்கும்போது
குழந்தை அருகில் இல்லை. சூசைநாதனின் அறைக்கதவை அறைந்து தட்டினேன். வழியை
மறைத்துக்கொண்டு வெளியே வந்த அவர் குழந்தை தன்னுடன் இல்லை என்றும் யாரோ தூக்கிச்
சென்று விட்டதாக சொன்னார். அறைக்குள் தென்பட்ட இரத்தக் கறை பதட்டத்தை
அதிகப்படுத்தியது. உடனே உங்களிடம் வந்துவிட்டேன்"

காவலர்கள் உள் நுழைந்து பார்த்த போது அவள் குறிப்பிட்ட இரத்தக் கறை இல்லை, படுக்கை விரிப்பு நீக்கப்பட்டிருந்தது. தலையணைகளில் ஒன்று துணிகளுடன் அலமாரியில் கிடந்தது. குழந்தை வீட்டினுள் எங்கும் இல்லை. பின்னர் அந்த அடுக்கு மாடிக் கட்டிடத்தின் அடியில் ஒரு குப்பைத்தொட்டியில் கைகளும் கால்களும் பின்புறம் வளைத்துக் கட்டப்பட்ட நிலையில் குழந்தையின் பிணம் கிடைத்தது.

சூசைநாதன் மீது கொலை வழக்கு போடப்பட்டது. நீதிமன்றத்தில் அவர் கூறியதாவது,

"அன்று ஜலீலுக்கும் அவளுக்கும் தொலைபேசியில் பலமான வாக்குவாதம், உடனே இங்கே
வாருங்கள், உங்கள் பணக் கஷ்டத்தைப் பற்றி எனக்கு அக்கறையில்லை என்று இரைந்தாள்.
ஆனால் ஜலீல் செவிசாய்க்கவில்லை, இதன் காரணமாக மிகுந்த வெறுப்புற்றிருந்த அவளிடம்
குழந்தையை விட வேண்டாம் என்று நினைத்து அவளிடம் சொல்லிவிட்டு குழந்தையை என்னுடன்
இருத்திக் கொண்டேன். ஆனால் நள்ளிரவில் என்னுடைய அறைக்குள் அவள் நுழைந்து குழந்தையை
எடுத்துக்கொண்டாள். அவளுடன் புதிதாக இன்னொரு ஆடவனும் இருந்தான். அவனுடைய முகம்
எனக்கு தெளிவாக தெரியவில்லை. இருவரும் வீட்டை விட்டு வெளியேறினார்கள். சற்று
நேரத்தில் அவள் மட்டும் உள்ளே நுழைந்தது தெரிந்தது. என் அறைக்குள் மீண்டும்
நுழைந்தவள் தலையணையை ஒளிப்பது, இன்னும் சில மாற்றங்களை ஏன் செய்தாள் என்பது எனக்கு
புரியவில்லை. காலையில் அவள் குழந்தையைக் காணோம் என்றதும் நான் தான் போலீசிடம்
போவோம் என்றேன். பின்னர் போலீஸ் ஸ்டேஷனை நோக்கி நடந்து கொண்டிருந்த போது
போலீசிடமிருந்து தொலைபேசி அழைப்பு வந்தது உடனே வீடு திரும்பு என்று அதனால்
திரும்பிவிட்டேன்"

கணவனிடம் தொலைபேசி வழி நடந்த சண்டையையும், போலி பாஸ்போர்ட் உபயோகித்து சிங்கையில் நுழைந்திருந்ததையும், காவலரை அணுகும் முன் அதை அவசரமாய் அழித்ததையும் அவள் ஒப்புக்கொண்டாள். ஆனால் மற்றவற்றை மறுத்தாள்.

குழந்தையின் உடல் சோதிக்கப்பட்டதில் கிடைத்த தகவல்கள், குழந்தையின் பெண்ணுறுப்பு கிழிபட்டிருந்தது,உள்ளே சதை வழண்டிருந்தது. இவையும் கட்டப்பட்டிருந்த விதமும் பாலியல் தாக்குதல் நடந்திருக்கலாம் என்று காட்டுகிறது. மரணத்துக்கு காரணம் தலையில் பட்ட பலமான அடி. அதாவது குழந்தை பலமான பாலியல் தாக்குதலுக்குப் பின்னும் உயிர் தரித்திருந்திருக்கிறது, வீட்டினுள்ளிருந்தபடியே குப்பையை வீச பயன்படும் அமைப்பின் வழியே திணிக்கப்பட்டு ஒன்பது மாடி உயரத்தில் இருந்து விழுந்தபோது பட்ட அடிகளில்தான் உயிரை விட்டிருக்கிறது.

வழக்கின் இறுதியில் சூசைநாதனுக்கு தூக்குதண்டனை வழங்கப் பட்டது. காவலரிடம் கொடுத்த வாக்குமூலம், வழக்கில் சொன்ன சாட்சியம் இரண்டும் முன்னுக்குப் பின் முரணாக இருந்ததும். தடய ஆய்வாளர்கள் படுக்கை அறைச்சுவர், இரண்டு தலையணைகள், அவன் கை விரல் நகம் ஆகியவற்றில் கண்டெடுத்தது குழந்தையில் இரத்தம் என்பது மெய்பிக்கப் பட்டதும். இந்தோனேசிய பெண்மணியின் சாட்சியமும் காரணங்கள்.

சம்பவம் நடந்தது ஆகஸ்டு ஐந்து இரண்டாயிரத்து இரண்டில் நான் குடியிருக்கும் இதே ஹவ்காங்கில், ஆனால் அதைப்பற்றி இன்று சேனல் ஐந்தில் ஒளிபரப்பான True Files நிகழ்ச்சியில் கண்டபோது அதிலும் குறிப்பாக கைகளும் கால்களும் பின்புறம் கட்டப்பட்ட நிலையில் குழந்தையிநன் பிணத்தை காட்டியபோது, அந்தக் குழந்தையின் ஓலம் காதுகளில் அறைந்து ஒலித்தது, ஒலிக்கிறது.

"முடியலீங்க! மனசு ரொம்ப வலிக்குதுங்க, அந்த சின்னக் குழந்தையை எப்படிங்க
இப்படியெலாம் செய்ய எப்படி மனசு வந்தது, ஒரு வேளை நமக்கும் சின்னக் குழந்தை
இருக்கறதால வலி அதிகமா இருக்கோ!", புலம்பிய மனைவியை சமாதானம் செய்ய முடியவில்லை.

"தகப்பனே ஐந்து பெண்களையும் பலகாலமா கற்பழிச்ச சேதியெல்லாம் சொன்னாங்களே! அப்பக்கூட
இவ்வளவு கஷ்டமா இல்லையே. எப்படி அப்படி நடக்கலாம், அவனுக்கு அரிப்பெடுத்தா
அதுக்குன்னு எங்கெயாச்சும் போகவேண்டியதுதானே? ஆம்பளைங்களுக்கு இப்படியெல்லாம்
தோணுமா!", ஆண்களைப் பொதுப்படுத்தியதால் விளக்க வேண்டியது என் கடமையானது.

"அந்த மாதிரி இடங்களுக்கு அவன் போகிறவனாகவே கூட இருக்கலாம், இல்லை அவனுடைய
பொருளாதாரம் இடம் கொடுக்காமலிருக்கலாம். அந்த நேரத்தில் அவனுக்கு அந்த விபரீத யோசனை
தோன்றியிருக்கிறது, அப்போதைக்கு அவசரமாக தேவைப்பட்டிருக்கிறது. அம்மா நண்பனின்
மனைவி, மனது இடம் கொடுக்காமல் போயிருக்கலாம், அல்லது எதிர்காலம் சிக்கலாகலாம் என்று
தோன்றியிருக்கலாம். குழந்தை சிக்கலில்லாதது, தனக்கு என்ன நடக்கிறது என்பதை
புரிந்துகொள்ள முடியாது, யாரிடமும் போய் சொல்லாது என்று நினைத்திருப்பான். அதன்
வலியையும் அதன் உயிருக்கே ஆபத்தாகலாம் என்பதையும் துளியாவது யோசித்திருந்தால்
இரண்டு உயிர்பலி தவிர்க்கப் பட்டிருக்கும்"

"அவனை விடுங்க அவன் பண்ணுன தப்புக்கு அனுபவிக்கிறான், அந்த குழந்தை என்ன பாவம்
பண்ணுச்சு! மலர்ந்து சிரிக்கவேண்டிய வயசுல அதுக்கு ஏன் இந்தக் கொடுமையெல்லாம்?"

"இந்தக் கேள்விக்கு எங்கிட்ட பதில் இல்லைம்மா! எனக்கும் இது கேள்வி மட்டுந்தான்.
இதையெல்லாம் நாம கேள்விப்படறதும் சிந்திக்கிறதும் இப்படிப்பட்ட கொடுமைங்களில்
சிக்கிக்காம எச்சரிக்கையா இருக்கத் தான், ஹார்மோன் தொந்திரவால கண்டதையும் யோசிச்சு
செயல் படுத்தறதுக்கு முன்னால அவனவனை யோசிக்க வைக்கத்தான். உனக்கு ஒரு எச்சரிக்கை
உணர்வு வந்திருக்கில்லையா, அது போதும். இதை விட்டு வேற பக்கம் மனசைத் திருப்பு",
ஒரு வழியாக படிப்படியாக மனைவியை உறங்க வைத்துவிட்டேன், எனக்குள் இன்னும் அலை
அலையால் அதே விஷயம் முட்டி மோதி அலைக் கழிக்கிறது. என்னால் ஏதும் செய்ய இயலுமா!
நான் என்ன செய்ய வேண்டும்?

இதோ தொனின ஒரே ஒரு விஷயத்தை செயல்படுத்தியாச்சு, உங்களுக்கு ஏதும் தோணுதுங்களா?

உள்ளத்தின் அடங்கிய ஓசை

arul@shockwave-india.com (Ragunathan Arul Kumaran) — Fri, 14 Apr 2006 15:33:00 +0000

கடந்த ஒரு வருட காலமாக என் உள்ளத்தின் ஒலியற்ற ஓசையை கேட்டிருப்பீர்கள். சிரங்கு அல்லது பேனா பிடித்தவன் கையைப் பற்றி உணர்ந்திருப்பீர்கள் அல்லது கேள்விப்பட்டிருப்பீர்கள்.

இத்தனைநாள் மௌனத்திற்கும், இப்போதைய தொடக்கத்திற்கும் ஒரு வலுவான காரணம் இருக்கிறது. அதை இன்றே உங்களிடம் பகிர்ந்துகொள்ள செய்த முயற்சி பலிக்கவில்லை. ஆனால் அநேகமாக நாளை ஈடேறும் என்று தோன்றுகிறது. அந்த காரணம் என்ன என்று உங்கள் ஊகத்தை பின்னூட்டமிடுங்கள். ஒரே ஒரு தடயக் குறிப்பு தருகிறேன். என்னுடைய கடைசிப்பதிவுக்கும் இதற்கும் சம்பந்தம் இருக்கிறது :)